|
傲慢佮偏見 / |
英國庄跤有一位班奈太太，伊透世人的願望，就是欲將五个查某囝全嫁出去。有一日，一位貴公子賓利按算佇班家附近稅厝做厝邊，班奈太太就想空想縫，步數盡展，欲來將查某囝佮伊捒做堆。舞會的時，班家的大漢查某囝珍佮賓利一見鍾情，但是第二查某囝伊俐莎白，煞因為一時的態度佮誤會，對賓利的好朋友達西無好印象。後來更加因為各種事件佮使弄，予伊俐莎白對達西有濟濟偏見。兩人原是門不當、戶不對，無話無句不投機，那知達西是一下煞著，雙方膏膏纏，結果冤家冤甲行鬥陣。一个是好額緣投、驕傲苛頭的貴公子，一位是聰明伶俐、厚思量的二小姐，𪜶的愛情，是按怎佇傲慢下底的真實面腔佮偏見背後的真相觸纏之間，沓沓仔變化發穎？一場險險仔相閃身的青春戀情，閣加一味台語，心適媠氣、氣口飽滇！